A Oficina Municipal de Información ao consumidor de Ponteareas (OMIC) atendeu durante o período de novembro do 2010 a novembro do 2011, un total de 2.149 consultas das que un 85% realizáronse de xeito presencial nas propias dependencias da OMIC, un 11% a través do teléfono e o restante 4% a través do correo electrónico. No que fai referencia ás reclamacións dos usuarios, segundo o informe de actividade presentado pola Oficina Municipal de Información ao Consumidor, tramitáronse un total de 215 das que resolvéronse 177 o que supón algo máis dun 82%, estando en trámite e pendentes de resolución un total de 38 reclamacións. As reclamacións relativas a servizos de telefonía (115) son as que acapararon a meirande parte das tramitacións realizadas dende a OMIC, seguidas moi de lonxe polas…
Esta xente confunde a mala xestión, que por certo fixeron os seus propios compañeiros de partido, coa necesidade de autoxestión: 'Ante as verbas do Ministro de Economia español Luis de Guindos, nas que deixa ben ás claras a sua intención de controlar os orzamentos das Comunidades Autónomas, non podemos máis que reaccionar con un firme rexeitamento ás suas declaracións, claramente focadas á subordinación das autonomias e non a boa praxe na xestión económica. Foi o papel irresponsable que xogou o Estado español nestes últimos anos determinante no nacemento e agravamento da crise económica que estamos a sofrer, non o das Comunidades Autónomas, que ademais teñen garantida a súa independencia orzamental pola propia Constitución Española de 1978. Se ben desde a Unión Europea se visa intervir en casos de irresponsabilidade manfiesta…
O xurado cualificador dos premios Cidade de Pontevedra acordou esta mañá conceder estes galardóns á: Persoa física: Luisa Márquez Rodríguez a proposta da Asociación de nais e pais do IES Luís Seoane de Monte Porreiro. Entre os méritos que glosa a proposta destaca: “A profesora Luisa Márquez desenvolve o seu labor profesional o IES Luís Seoane dende hai 21 anos. Ademais do seu labor profesional, neste centro encárgase deste xeito estable de dúas actividades fundamentais para o centro: o comité UNESCO e o grupo de teatro “Fiuncho”. O seu labor é moi intenso durante os últimos 19 anos, ao longo dos cales ten acumulado moitos premios e recoñecementos. Entre eles, salientar o premio Marta Mata do Ministerio de Educación. Son numerosos os relacionados coa súa actividade nas Escolas da UNESCO.…
Na mañá de onte o Alcalde de Marín, Francisco Veiga como presidente do Padroado de Cultura do Concello, xunto co actual presidente do Ateneo Santa Cecilia Manuel Rodríguez Igrexas, asinaron o convenio correspondente ao ano 2011 por un importe total de 6.000 €, co obxectivo de que a entidade dispoña de financiamiento para levar a cabo as actuacións e festejos (festa dos Maios, certamen de corales, Enterro da Sardina, Danza de Espadas…) que ao longo do ano vai organizando e coas que se pretende colaborar desde o consistorio.
NOTA DE PRENSA Respecto ás novas aparecidas na prensa en relación coa empresa Ecocelta e a intención desta empresa de “tramitar unha querella criminal contra o alcalde de Ponteareas por un presunto delito de prevaricación” o alcalde ponteareán quere matizar o seguinte: O Concello de Ponteareas, no seu momento, concedeulle unha licencia provisional de actividade a Ecocelta de cara a non entorpecer a súa actividade empresarial e que esta puidera acceder ás axudas que a administración autonómica outorgaba a este tipo de actividades. Feito este que amosa con toda claridade que non existiu, en ningún momento, ningún tipo de traba nin entorpecemento para que dita empresa comezase a súa actividade. O “suposto delito de prevaricación” ao que fai referencia á empresa, daríase no caso de que o alcalde non fixera…