• Segue conectado
  • |

Cultura estudará ampliar o espazo da sede da Real Academia de Belas Artes

A alcaldesa, Inés Rey, e o concelleiro Jesús Celemín falaron na súa primeira visita institucional da necesidade que ten o edificio da praza de Pintor Sotomayor de labores de mantemento

A Coruña | A alcaldesa, Inés Rey, e o concelleiro de Cultura, Jesús Celemín, foron recibidos esta mañá polos membros da Real Academia de Belas Artes, co presidente Manuel Quintana Martelo á cabeza, nunha primeira toma de contacto, onde o colectivo reclamou máis espazo no inmoble que ocupan, así como labores de mantemento nel. Pola súa parte, a rexedora manifestou a intención do Goberno local de arranxar edificios emblemáticos como o da praza de Pintor Sotomayor que están “en certo estado de abandono”.

Desde a Concellería de Cultura, o edil comprometeuse a estudar as peticións, dada a importancia dunha academia na que están representados persoeiros referentes da cultura do país. Neste aspecto, Rey sinalou que a visita, que serviu tamén para que asinara no libro de honra, era “obrigada” pola relevancia da institución. Por último, as/os académicas/os tamén solicitaron unha maior promoción das actividades que realizan na axenda cultural do Concello.

Publicado o 9 Out 2019 en A Coruña, Axenda, Portada.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies