• Segue conectado
  • |

A deriva de Fodemos.

“Fodemos” naceu como sucursal galega do partido político español “Jodemos”. O ideólogo do partido, Juan Carlos Billetera, dixo con moi bo criterio: “Hai xente que pasa tanta fame que se o chamamos “Jodemos” enchemos as urnas de votos. E así foi, en parte. Ao principio todo era un fervedoiro de ideas. Comezaron convencendo ao profesor Vieiras de que se aliase a eles, co seguinte criterio: “Ti dille a todo que si, que logo nós xa faremos o que nos pete”. Ao principio era unha lúa de mel. España era un Estado plurinacional, unha nación de nacións. A patria eras ti… Porén a maioría do pobo catalán -enrevesado como ningún- chegou á seguinte conclusión: como parece que estamos en democracia, imos exercer os nosos dereitos… E entón foi cando a dereita española, coas súas tres forzas políticas (franquista, ultraliberal e nacionalsocialista), se puxo seria… E en “Jodemos” tamén dixeron: “daslles a man e cóllenche o brazo. Isto non pode ser” Entón chamaron a “Fodemos”, a sucursal galega, e dixeron: “mirade, vós sodes libres de ficar ou de marchar, pero aquí quen manda somos nós e, en concreto, o noso secretario xeral Pablo Catedrales. Algunha xente colleu medo e díxose na asemblea local: “mirade, o nome de “Fodemos” non o entende todo o mundo, se vén unha persoa de Albacete non entende o que significa. Como sinal de boa vontade e de galeguismo integrador, é mellor poñer “Jodemos” e, para que quede claro que somos a sección galega, poñemos “Galicia” e así cambiaron o nome polo de “Jodemos-Galicia”. E de cuestionar a Constitución, pasaron a defendela; desde unha óptica de esquerdas e republicana, claro está. Chegaron as eleccións e, como había cartos, encheron o país de cartaces co lema: “A alternativa somos nós. Jodemos-Galicia”

Publicado o 20 Mar 2018.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies