Ponteareas/ACiP | Alternativa Ciudadana de Ponteareas continúa o seu camiño cara cumprir o obxectivo de acadar a alcaldía da cidade o vindeiro 28 de maio, dando a coñecer todos os integrantes da súa lista electoral.
Desta forma completan os nomes xa desvelados no primeiro tramo, presentado o pasado mes, no que ademais do propio Juan Carlos González Carrera estaban Raquel Bautista; Luis Rodríguez; Olalla Arbones e Nicolas Rodríguez.
Entre o sexto e o décimo, a lista de ACiP inclúe 3 homes e 2 mulleres, arrincando polo actual concelleiro Manuel Gregores, que será precedido de José Luis Núñez de Cristiñade; Raquel Alonso, veciña de Arcos; Clara Iglesias de Moreira e Ismael Gil, residente no centro urbano.
Os outros once compoñentes titulares da lista, ata chegar os 21 concelleiros que escollerá a veciñanza o 28 de maio, son: Andoni Sebastián (11); Monstserrat González (12); Marcos Misa (13); Raquel Cabaleiro (14); Lara Carballo (15); Jose Iglesias (16); Manuel Gil (17); Lucía Carrera (18); Roberto Otero (19); Tania Fernández (20) e Cristóbal García (21).
A maiores a candidatura independente levará ata cinco suplentes na papeleta electoral: Cándido Acuña; Almudena Martínez; Pedro César Fontán; Marta Pereira e Salomé Cuevas.
O candidato Carrera indicou que “temos un equipo de garantías, cunha lista que recolle a sensibilidade de toda Ponteareas e que está lista para executar o cambio que pide a cidade. Saímos a por todas, chegou o momento de AciP”. O candidato engadiu que “con esta lista formaremos un goberno que represente a todos os sectores e colectivos, un goberno sen discriminacións e que remate coas actuais discriminacións impostas polo BNG”.
