O Porriño pon en marcha a programación para este Nadal

O acendido das luces o venres 8, pon en marcha a programación de Nadal no Porriño, que ofrecerá ata o vindeiro 6 de xaneiro, música, festivais, teatro, festas e obradoiros

O Porriño | Exposicións, festivais, música, teatro, obradoiros, os anunciados Campamentos para facilitar a conciliación da vida familiar e laboral, rondallas, amais do acendido das luces, a Festa Pre-Fin de Ano ou a Cabalgata de Reis, son algunhas das actividades programadas polo Concello para este Nadal.

As mesmas desenvolveranse durante máis dun mes, dende o día 1 de decembro ata o 6 de xaneiro de 2018, en todas as parroquias de O Porriño.

Os ‘pratos fortes’ deste Nadal serán o Acendido das luces, o vindeiro venres, día 8 ás 8 da tarde, un acto amenizado polo grupo musical ‘Os Claretes’; a Festa Pre-Fin de Ano, o sábado, 30 de decembro, ás 11 da noite, na Praza de Antonio Palacios e na Carpa do Roxy, coas actuacións da Rondalla de Pontellas e a Orquestra Club Naval, e a ‘Cabalgata de Reis’, o 5 de xaneiro de 2018, ás 6 da tarde, polas rúas da vila.

Outros artigos