Ponteareas celebrará o Día da Poesía cun espectáculo de Aldaolado

O domingo 21 de marzo no Auditorio Municipal

Ponteareas | Como cada 21 de marzo, este domingo conmemórase o Día Mundial da Poesía. Por este motivo, as Concellarías de Cultura e de Lingua do Concello de Ponteareas, que dirixe Fernando Groba, organizan un espectáculo poético-musical e humorístico protagonizado polo dúo Aldaolado.

Dende as 18 horas, a música e a poesía de Lucía Aldao e María Lado apoderaranse do escenario da sala multiúsos do Auditorio Municipal. No espectáculo, titulado “Epístola ás neofalantes”, ambas as poetas válense da retranca que as caracteriza para poñer sobre a mesa unha reflexión sobre a situación actual da lingua galega e o seu futuro.

O edil de Cultura e de Lingua lembra que o aforo é limitado, e as persoas que o desexen poden reservar a súa entrada no enderezo electrónico auditoriomunicipal@ponteareas.gal, para gozar da combinación de recital de poesía, música en directo, interacción co público e improvisación característica dos espectáculos de Aldaolado.

Deixa unha resposta

Este sitio emprega Akismet para reducir o spam. Aprende como se procesan os datos dos teus comentarios.

Outros artigos

Os nosos anunciantes son importantes para nós.
Fainos o favor de desactivar o bloqueador de anuncios ou
engadir este sítio a túa lista branca.

Grazas!