Ourense | A xunta de goberno local do Concello de Ourense, en sesión extraordinaria e urxente celebrada esta mañá, acordou adxudicar á Empresa Sagalés SA e Empresa Gavilanes SL Unión Temporal de Empresas, o contrato do servizo de transporte público colectivo urbano de Ourense para o período 2026-2031, de acordo co prego de prescricións técnicas e o prego de cláusulas administrativas particulares aprobados pola xunta de goberno local e as ofertas presentadas, por resultar a oferta de mellor calidade-prezo.
Tamén aprobou reaxustar as anualidades do contrato, que se estenderá desde o 1 de xullo de 2026 ata o 30 de xuño de 2031. O importe total do contrato será de 48.917.567,68 euros, IVE incluído.