Os orzamentos participativos na Coruña reciben 733 propostas dos veciños

As votacións das achegas seleccionadas terán lugar do 18 ao 25 de outubro
As 733 propostas deciden o destino de 2,5 millóns de euros dos orzamentos da cidade.

A Coruña | Os coruñeses e coruñesas presentaron ao Concello 733 propostas para decidir o destino de 2,5 millóns de euros dos orzamentos da cidade. Por distritos, o que recibiu un maior número de propostas, foi o Distrito 7 con 174 aportacións, seguido do Distrito 8 con 65 propostas.

En total recibíronse 184 aportacións para distribuír os 1,5 millóns de euros destinados aos distintos barrios da cidade. Todas as propostas presentadas pódense consultar na web nacorunacontas.coruna.gal.

A concelleira de participación, Yoya Neira valorou moi positivamente a implicación da cidadanía destacando que se recibiron “un 20% máis de propostas que na última edición dos orzamentos participativos”.

Ademais destacou que a novidade de poder presentar as propostas nos tres rexistros municipais (Ágora, Fórum e María Pita) conseguiu achegar este proceso a unha maior porcentaxe da poboación.

Durante o proceso de recollida de propostas leváronse a cabo diferentes accións para difundir o programa como encontros con entidades veciñais, socioculturais e do terceiro sector co obxectivo de explicarlles de primeira man o funcionamento da iniciativa e animalos a participar.

Distribución xeográfica das propostas presentadas por parroquias coruñesas.

O Concello, ademais, habilitou puntos de información específicos na rede de bibliotecas, centros cívicos e rede de puntos de información xuvenil. Fase de apoios Os técnicos municipais están a analizar agora as propostas recibidas co obxectivo de validar aqueles proxectos que sexan tecnicamente viables e de competencia municipal.

A continuación comezará a fase de apoios coas primeiras votacións, terá lugar entre os días 18 e 25 de outubro, e nela calquera persoa maior de 16 anos empadroada na Coruña poderá votar polos proxectos de ámbito municipal da súa elección e por proxectos de barrio de ata tres distritos.

Os técnicos municipais redactarán un orzamento para cada proxecto escollido das propostas que reciban máis apoios. A última fase, a votación final, levarase a cabo entre os días 17 e 24 de novembro e nela cada votante poderá apoiar proxectos de cidade que non rebasen o límite orzamentario de 1 millóns de euros do plan e outros proxectos para tres distritos cun máximo de 150.000 euros por distrito. Os resultados publicaranse entre os días 26 e 30 de novembro.

Deixa unha resposta

Este sitio emprega Akismet para reducir o spam. Aprende como se procesan os datos dos teus comentarios.

Outros artigos

Os nosos anunciantes son importantes para nós.
Fainos o favor de desactivar o bloqueador de anuncios ou
engadir este sítio a túa lista branca.

Grazas!