• Segue conectado
  • |

O concello de A Coruña organiza unha concentración en apoio ao persoal de Alcoa

Ao acto asistiron de forma activa o alcalde, o presidente do comité de empresa e o actor Xosé Á. Touriñán

A Coruña | A praza de Maria Pita acolleu unha concentración en apoio ao persoal de Alcoa. No acto interviron o alcalde, Xulio Ferreiro, o presidente do comité de empresa, Juan Carlos López Corbacho, e o actor Xosé Á. Touriñán. O rexedor salientou “a unidade” como elemento fundamental “na presión social, política e popular para acadar una solución contra o peche da fábrica “Toda A Coruña está con vós”, afirmou Ferreiro.

Pola súa banda, Touriñán, quen deu lectura ao manifesto do comité de empresa, agradeceu ás traballadoras e traballadores “a loita que están a levar a cabo, con toda a dignidade posible, para poñer a salvo a factoría”. Finalmente, Corbacho agradeceu o apoio da Corporación municipal e da veciñanza “ás compañeiras e compañeiros que están a loitar todos os días na rúa”. “Esta loita é longa e dura, pero estamos cheos da forza de Hércules e a coraxe de María Pita. Non van poder con nós”, dixo o presidente do comité de empresa. Axuntamos fotografías do acto.

Publicado o 17 Nov 2018 en A Coruña, Portada, Traballo.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies