• Segue conectado
  • |

O concello da Coruña habilita 12 km de senda peonil para facilitar a mobilidade durante a desescalada

A alcaldesa, que estivo esta mañá co xefe de Seguridade Cidadá para analizar esta xornada, destaca “a gran cantidade de dúbidas que provocaron as fases da desescalada entre os veciños e veciñas da cidade, que se dirixiron ao concello para aclararlas” e que “ás administracións locais nos sería de gran axuda que se aclarasen por parte do Goberno central estas dúbidas tan frecuentes entre a poboación”


A Coruña | O concello habilita 12 km de senda peonil para facilitar a mobilidade decretada polo Goberno central nesta desescalada do Estado de Alarma. A alcaldesa, Inés Rey, estivo esta mañá co xefe de Seguridade Cidadá, Carlos García Touriñán, analizando o trascurso desta primeira xornada na que se permitiu saír á poboación adulta a pasear e realizar actividade deportiva dentro das franxas horarias permitidas. A rexedora tamén dialogou, mantendo as medidas hixiénicas e de protección, cos veciños e veciñas que saíron esta mañá a pasear de xeito individual, cos seus fillos ou para realizar deporte.

A alcaldesa destaca “a gran cantidade de dúbidas que provocaron as fases da desescalada entre os veciños e veciñas da cidade, que se dirixiron ao concello para aclararlas”. Neste senso, desde o concello se tratou de explicar a normativa vixente, “aínda que ás administracións locais nos sería de gran axuda que se aclarasen por parte do Goberno central estas dúbidas tan frecuentes entre a poboación”.

Rey asegura que “nestes 50 días de confinamento o comportamento dos veciños e veciñas da Coruña foi exemplar e agardo que así o será nestas fases de desescalada” xa que “agora máis que nunca é moi importante que todos e todas sexamos responsables”. A alcaldesa lémbralle á cidadanía que “o concello habilitou para a mellora da mobilidade nesta escalada 12 km de senda peonil e que é de vital importancia respectar as franxas horarias e os dous metros de distancia entre as persoas posto que as normas están para protexernos a todos e todas”.

O concello irá establecemento novas medidas para promover a mobilidade segura na cidade de cara ás vindeiras xornadas e para que se cumpran os decretos do Estado de Alarma.

Desde este luns, e de maneira provisional, suprimiranse carrís de circulación en Manuel Murguía e a avenida da Habana, na contorna de Riazor e nos Cantóns, e ampliará a zona peonil desde A Mariña ata a praza de Mina. Tamén se está a estudar a idea de habilitar un corredor peonil entre a zona de Catro Camiños e o barrio de Matogrande. Esta é unha actuación que se podería implantar de maneira definitiva se se comproba que o modelo funciona.

Publicado o 2 Mai 2020 en A Coruña, Benestar Social, Portada.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies