• Segue conectado
  • |

O Centro Cultural de Porriño acolle un encontro do programa “Iniciativa Xove 2012”

A Concellalía de Mocidade do Concello do Porriño informa da celebración deste acto, este xoves ás 18.30 horas, dirixido a todos os mozos de ata 30 anos, así como a técnicos e responsables locais en materia de mocidade
O obxectivo principal do programa céntrase en ofrecer apoio financeiro a iniciativas xuvenís impulsadas por grupos de mozos. Na reunión escoitaranse e atenderá a todas as inquietudes e dúbidas suscitadas
O centro cultural de Porriño alberga este xoves, 19 de xaneiro, ás 18.30 horas un encontro sobre o programa Iniciativa Xove 2012 da Dirección Xeral de Xuventude e Voluntariado da Xunta de Galicia en colaboración coa Concejalía de Mocidade do Concello do Porriño, que dirixe Iria Lorenzo, a través da OMIX (Oficina Municipal de Información Xuvenil). Dirixido a todos os mozos de ata 30 anos, así como tamén a técnicos e responsables locais en materia de mocidade, o obxectivo principal deste programa céntrase en ofrecer o apoio financeiro a iniciativas xuvenís impulsadas por grupos de mozos, ademais de estimular a participación xuvenil activa e reforzar o tecido asociativo.
Porriño é un de entre varios municipios galegos elixidos para albergar este encontro a través do cal poñeranse en man deste sector da poboación toda a información necesaria e as ferramentas para poder levar a cabo a solicitude e a presentación de proxectos de participación xuvenil. Na reunión escoitaranse e atenderán a todas as inquietudes e dúbidas suscitadas para poñer en marcha e levar a bo fin os proxectos.
Ao encontro poderán asistir todas as asociacións xuvenís e tamén deportivas, culturais e recreativas que conten entre os seus socios con persoas novas –de ata 30 anos-. Ademais, o acto tamén está enfocado a responsables e técnicos de mocidade dos municipios situados no área de influencia xeográfica de Porriño (Baiona, Fornelos de Montes, Gondomar, Mos, Nigrán, Pazos de Borbén, Redondela, Salceda de Caselas, Soutomaior e Vigo).

Publicado o 17 Xan 2012 en Louriña, O Porriño.
AVISO: Esta entrada ten máis de seis meses desde a súa publicación. É posible que o contido non estea actualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies