• Segue conectado
  • |

O BNG explicou a súa proposta de Concerto económico para Galiza na Guarda

Montse Prado:“Galiza aporta máis cartos ao Estado español dos que recibe. Non somos probes, téñennos emprobecidos”

Concerto económico para Galiza

A Guarda/BNG | O BLOQUE NACIONALISTA GALEGO, presentou diante dun nutrido auditorio na Casa dos Alonso, a súa proposta de Concerto Económico para Galiza.

O acto estivo presentado por Ángel Baz, portavoz municipal do BNG na Guarda, e contou coa intervención de Montse Prado Cores, deputada do BNG no Parlamento galego.

Durante a intervención púxose de manifesto que Galiza é un país rico con recursos, que aporta máis ao Estado español do que recibe.

Montse Prado expuxo as “contas tramposas” que fai o Estado español, onde se queda co 100% do imposto de sociedades, ou o 50% do IRPF e IVE, …. entre outros.

“Se Galiza tivese un concerto económico propio co Estado, teriamos moitos máis recursos económicos para poder investir en educación, sanidade, I+D, Cultura, …”, sinalou Montse Prado durante a reunión.

“Cun financiamento máis favorábel para Galiza debe repercutir nos concellos, tal e como se está a facer na Deputación dende que o BNG chegou”, comentou Ángel Baz.

O acto rematou cun enriquecedor debate onde se puxeron de manifesto a necesidade dunha nova relación entre Galiza e o Estado español que se sexa máis beneficiosa para os galegos e galegas.

Publicado o 12 Xuñ 2017 en A Guarda, Portada.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies