• Segue conectado
  • |

Gómez-Reino será o vicepresidente da Delegación Internacional

O voceiro de Galicia en Común será tamén portavoz da Comisión Mixta da Unión Europea


Madrid/Galicia en Común | O Congreso dos Deputados acolleu hoxe a constitución das 12 Comisións Mixtas e das 6 Delegacións Internacionais coas que conta a Cámara. O voceiro de Galicia en Común, Antón Gómez-Reino, foi elixido esta tarde vicepresidente da delegación española que terá representación na asemblea do Consello de Europa e será voceiro tamén da Comisión da Unión Europea.

Deste xeito e tal e como indicou Gómez-Reino, “trátase de dúas comisións que permitirán que Galicia teña proxeción europea e internacional”. Nese sentido no marco da comisión da Unión Europea, o voceiro de Galicia en Común traballará para a mellora das “relacións coa UE nun momento no que resulta fundamental para os intereses galegos, pola situación do sector lácteo e agrícola ou pola xestión das cotas de pesca”. Ademais, como vicepresidente do Consello de Europa trataranse tamén temas de moita relevancia como a defensa dos dereitos humanos, da memoria histórica ou da lingua galega. Nese sentido Gómez-Reino lembrou o informe emitido por este mesmo ente “o pasado mes de decembro que deixaba en mal lugar á Xunta de Galicia en relación ao uso do galego, dando por terceira vez unha advertencia ao goberno galego para que deixe de maltratar a nosa lingua”.

Antón Gómez-Reino xa formou parte nas últimas lexislaturas da Comisión Mixta da Unión Europea e tamén da delegación internacional do Consello de Europa que conta con 12 deputados e deputadas en calidade de titulares e outros 12 suplentes. A asemblea ten unha sesión anual ordinaria en Estrasburgo, dividida en catro partes, cunha semana de duración cada unha.

Publicado o 13 Feb 2020 en Política, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies