• Segue conectado
  • |

Exposición de proxectos para o Bordo litoral

A Coruña | O alcalde, Xulio Ferreiro, inaugurou esta tarde no Pazo de María Pita a exposición dos cinco proxectos sobre o futuro do bordo litoral que resultaron máis valorados no concurso de ideas e sobre os que a cidadanía pode votar ata o 26 de marzo. A mostra, que complementa a información dispoñible na web e as presentacións públicas de cada proxecto que se farán mañá no espazo Tribuna Pública ás 19.30 horas, estará aberta ata o día 17 de marzo.

O rexedor, que animou á cidadanía a participar da votación, cualificou esta responsabilidade de decidir o futuro de bordo atlántico da cidade “como histórica e transcendental” para a que é preciso “xuntar as nosas capacidades e reclamar a todas as administracións implicadas que estean á altura do momento”. Nesta liña, Ferreiro considerou que as administracións “deben sopesar a súa responsabilidade e capacidade de acción nunha batalla que A Coruña non vai deixar de pelexar”. “O futuro dos peiraos interiores da Coruña non é unha cuestión que se poida meter nun caixón e esperar a que se esqueza, porque non se nos pode pedir aos coruñeses e ás coruñesas que non levantemos a cabeza e imaxinemos un porto aberto e dinámico, un porto motor dunha economía verde e azul para a cidade e un espazo que exerza de ponte entre a cidade e o mar, entre A Coruña, a súa ría e a súa área metropolitana”, afirmou.

Publicado o 26 Feb 2019 en A Coruña, Cultura, Portada.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies