A Caniza | O Concello puxo o broche final á tempada das clases municipais de taekwondo coa celebración dunha exhibición na Praza Maior o pasado 16 de xullo.
Durante corenta minutos, o alumnado, dirixido polo seu adestrador, Fidel Rodríguez, amosou ao público asistente as habilidades e técnicas adquiridas ao longo dos últimos meses. Ao comezo do acto, o Alcalde Luís Piña fixo entrega dun pequeno agasallo ao alumnado como recoñecemento ao esforzo, á dedicación e á constancia demostrados durante a tempada nas clases impartidas no ximnasio municipal.