China e Galicia exploran oportunidades de negocios

Xuntanza na Coruña entre o presidente da Xunta de Galicia e o embaixador chineés en España

A Coruña | O presidente da Xunta de Galicia, Alfonso Rueda, mantivo na Coruña un encontro co embaixador da República Popular China en España, Yao Jing, no que avaliaron diferentes medidas para reforzar as relacións económicas entre Galicia e o país asiático.

Así, na reunión abordáronse tanto as posibilidades de novas oportunidades de negocio para as empresas galegas na China como a atracción de investimentos cara á Comunidade, na que xa están implantadas compañías chinesas do ámbito da metalurxia e o sector conserveiro, entre outros.

Debe destacarse que as exportacións das empresas galegas a China alcanzaron en 2023 un total de 234 millóns de euros, rexistrando un crecemento de preto dun 25% desde o ano 2020, grazas ás achegas de sectores como o agroalimentario e os produtos do mar ou as industrias químicas.

Por outra banda, xa existen varias empresas galegas establecidas desde hai décadas en China, onde o Instituto Galego de Promoción Económica (Igape) conta cunha antena comercial, e espérase un aumento de visitas comerciais bilaterais por realizar.

Deixa unha resposta

Este sitio emprega Akismet para reducir o spam. Aprende como se procesan os datos dos teus comentarios.