• Segue conectado
  • |

A Guarda e a Asociación Rock´n´Rolla valoran positivamente a Iª edición do Interlude Fest

A Guarda | O venres día 6 de xullo de 2018 o Alcalde da Guarda, Antonio Lomba e a Concelleira de Cultura, Elena Baz, reuníronse cos representantes da Asociación Rock´n´Rolla, organizadora do I Interlude Fest celebrado o pasado sábado 30 de xuño no Castelo de Santa Cruz.

Nesta reunión valoráronse múltiples aspectos desta primeira edición, de cara a melloralos nas vindeiras edicións, para a consolidación dun evento, que aspira a converterse nunha cita máis do calendario e programacións da axenda cultural de verán do Concello da Guarda.

Este evento multicultural, congregou a máis de dous milleiros de persoas que dende as 11:00h da mañá participaron nas diferentes actividades programadas, cun mercado solidario en colaboración co colectivo solidario Conrazones, mercado de artesanía, así coma probas deportivas un campionato de petanca, xogos populares e actividades para os máis pequenos da casa.

A implicación de veciños e visitantes foi moi boa, superando as espectativas iniciais da organización do evento, achegándose tamén xente de toda a comarca do Baixo Miño e arredores. Durante a xornada contouse coa amenización musical do Trebón dos Xidos e Gaiteiros do Fuscalho.

Xa pola noite, dende as 20:00h os concertos amenizaron esta Iª edición contando coa participación dos grupos Perseide, Tati’s Joplin, Santos Morcegos, Mano de Piedra, Terader, Kuna de Odio, Teseracto e Sulf-atäR.

As actividades foron totalmente de balde e contouse coa colaboración do Concello da Guarda e diferentes casas comerciais.

Publicado o 7 Xul 2018 en A Guarda.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies