A Concellería de Benestar Social da Coruña realiza obras de mellora na sede de Utaca

Coa instalación dunha rampla garantirase a accesibilidade a un edificio en que se arranxarán os estragos da fachada e que se pintará para acoller mellor as persoas con problemas de alcolismo

A Coruña | Benestar Social realiza estes días traballos de mellora na sede da asociación Utaca-Asociación Ex-Alcohólicos da Coruña, situada en Laxes de Orro. Por unha parte, o local contará cunha rampla na entrada para garantir a accesibilidade de todas as persoas usuarias dentro dunha actuación en que tamén se arranxará a fachada do edificio, que estaba moi deteriorada. Despois de reparar os estragos e de lles quitar o óxido ás fiestras, pintarase.

Destínase á obra un orzamento de 15.106,85 euros. O inmoble é propiedade municipal, pero
está cedido ao colectivo que traballa no barrio de Elviña con persoas con problemas de alcolismo.

Esta mellora prodúcese despois de que a concelleira de Benestar Social, Yoya Neira, contactase coa asociación ao longo destes meses, nunha comunicación que seguirá sendo fluída, asegura a edila, para tratar de lle dar resposta as súas demandas.

Publicado o 24 Ago 2020 en A Coruña, Benestar Social, Portada.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies

Os nosos anunciantes son importantes para nós.
Fainos o favor de desactivar o bloqueador de anuncios ou
engadir este sítio a túa lista branca.

Grazas!