• Segue conectado
  • |

2ª Andaina Eurocidade 2012 – Os muiños do Tripes

Será este domingo 25 ás 09.00 horas galegas

Tui – Valença | Este domingo 25 de marzo realizarase o segundo percorrido das Andainas Saudables Eurocidade 2012: “Os Muíños do Tripes”, organizada pola Eurocidade Valença – Tui.
O punto de encontro será o Lavadoiro de Circos, ás 09.00 horas (españolas). O percorrido terá unha duración de aproximadamente 2h 30m e o grao de dificultade é fácil.
O Tripes é un pequeno río, afluente do Miño que nace no Parque Natural do Monte Aloia e o cruza pola súa marxe oeste. Ao longo do seu trepidante curso, dende o seu nacemento e ata o seu fin a altura do Camiño da Barca, este regato bateu coas súas augas nos rodicios de innumerables muíños, hoxe centenarios.
A rota comeza na área recreativa de Circos na parroquia de Pazos de Reis, trátase cun sendeiro circular que vai acompañado por unha fermosa fraga, na que abondan especies como o salgueiro, o amieiro, a avelaira e o carballo, pero proba da simbiose do home con este espacio, son os – hoxe abandonados – pomares, pequenos soutos, socalcos de cultivo infestos de cerquiños, antigos panascos nos que hoxe agroman silveiras.
A fraga, fresca e sombría, acubilla multitude de pequenos mamíferos, réptiles e insectos. A altura da ponte de pedra que cruza o Tripes vemos un muíño maior, chamado de maquía, estes tamén dispoñen de vivenda, onde vivían os muiñeiros. Neste recanto a paisaxe rural de aproveitamento do terreo en terrazas permanece intacto
Dende a ponte de pedra podemos observar troitas, libeliñas de cor verde e azul metálico, zapateiros e ras. A rota continúa por un antigo camiño, empregado en tempos para levar o gran aos muíños, as rodadas dos carros deixaron a súa pegada desgastando as lousas de pedra.
Punto de encontro:
Lavadoiro de Circos
Coordenadas 42º 3’35” N / 8º 39’48” O
Googlemaps 42.059794,-8.663777

Publicado o 21 Mar 2012 en Axenda, Baixo Miño, Tui, Turismo, Valença.
AVISO: Esta entrada ten máis de seis meses desde a súa publicación. É posible que o contido non estea actualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies