• Segue conectado
  • |

Máis de 150 persoas aprenderon a descifrar o enigma da factura eléctrica

As actividades de carácter gratuíto chegaron a doce localidades galegas

Santiago de Compostela | Durante o mes de novembro técnicos da Unión de Consumidores de Galicia percorreron Galicia impartindo actividades formativas sobre consumo e aforro da electricidade. Os talleres formativos
Descifrando o enigma da factura eléctrica impartíronse en doce localidades e participaron 154 persoas.

As persoas asistentes tiveron ocasión de coñecer as claves do sector eléctrico, os datos esenciais que conforman a factura da luz, diversas prácticas centradas no aforro e as novas condicións para beneficiarse do bono social eléctrico.

Dolores Chapelai , responsable da importación das actividades, recalca o importante que é “facer pedagoxía entre as persoas consumidoras para que aprendan a entender a súa factura” xa que con información clara e actualizada “poderían manexarse mellor á hora de contratar o subministro de electricidade e, por outra banda, aforrar na factura da luz”.

O principal obxectivo destes talleres prácticos, patrocinados polo Instituto Galego de Consumo (IGC), foi o de ofrecer solucións aos problemas reais cos que se atopan os consumidores e usuarios galegos no eido da subministración eléctrica. “Existe moita confusión en todo o que rodea a factura da luz: normativa complexa, terminoloxía, cambios constantes no sector, etc”, sinala Chapela. Por iso iniciativas como as que leva a cabo a UCGAL son tan importantes, xa que existen moitas dificultades para interpretar cuestións tan simples como coñecer con que compañía contratamos a electricidade.

Colaboración con FADEMGA Plena Inclusión Galicia
Tres dos doce talleres realizáronse en colaboración con FADEMGA. Os técnicos da UCGAL achegaron información práctica encamiñada a coñecer o ámbito do sector eléctrico a corenta e seis usuarios e usuarias de ASPAVI, ASPANAEX e FADEMGA OURENSE. Trátase da primeira experiencia no eido formativo entre UCGAL e FADEMGA, un proxecto pioneiro que dado os bos resultados acadados podería repetirse no futuro.

Para máis información: prensa@consumidores.gal / info@consumid

Publicado o 2 Dec 2017 en Santiago de Compostela.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies