A primeira folga xeral en catorce anos en España realizada este 11 de novembro (11N) tivo unha análise desigual por parte dos actores involucrados, probablemente condicionados polo seu impacto e intereses políticos de cara ás eleccións xerais do vindeiro 29 de novembro (29N) Neste sentido, o 11N mediu o pulso político e electoral nas rúas.
Mentres os seus organizadores, principalmente os sindicatos CC.OO e UGT, aseguraban o “éxito e superación das expectativas” en canto ao absentismo laboral e as mobilizacións, a patronal empresarial minimizou considerablemente este enfoque. Con datos dispares dependendo das Comunidades Autónomas, os sindicatos consideraron que a folga cumpriuse a nivel global en aproximadamente un 75%. Non obstante, para as organizacións empresariais, a folga tivo un respaldo do 41%. Foron igualmente notorios os piquetes, cortes de estradas, cargas policiais con decenas de detencións e algúns altercados en diversos puntos da xeografía estatal.
No caso galego, os sindicatos CIG, UXT e CC.OO afirmaron o éxito da folga destacando o seu impacto en sectores como a industria (principalmente naval), transporte e servizos. Pola súa banda, un comunicado da Confederación de Empresarios de Galicia (CEG) cualificou de “fracaso” esta folga xeral, toda vez criticou o seu “carácter político”.
Alén do tratamento informativo e das expectativas xeradas, a folga xeral desde 11N fíxose notar nas principais cidades galegas.
A Coruña
Vigo
Santiago de Compostela
Ferrol
Ourense
Lugo
Vilagarcía de Arousa
Pontevedra
