Tui | A Praia Fluvial Areeiros na Veiga do Louro verá mellorada o seu vial de acceso de acceso ao areal a través dunha intervención que abarcará a superficie completa do camiño e que foi adxudicada a empresa Construcciones Castro Figueiro SLU por importe de 159.226,22€, IVE incluido.
O foco da actuación busca o acondicionamento da vía, mantendo o seu percorrido e a súa intersección coa senda peonil Tui- Caldelas. O plazo de execución das obras é de mes e medio.
Para levar a cabo este proxecto na zona será necesario acondicionar a pavimentación da vía co obxectivo de mellorar tamén a seguridade vial para peóns fronte ao tráfico rodado. Ademais a intervención inclúe a habilitación dun terreo próximo a praia como espazo de aparcamento para vehículos, e a instalación dunha rede subterránea de baixa tensión e alumeado público.
O fío condutor dos traballos é o uso de pezas de ladrillo cerámico. Atendendo ás necesidades puntuais do percorrido, esta liña condutora transfórmase ou dispersa para acentuar os cambios de uso e circulación. Exponse como engadido diferenciador un cambio de pavimento entre os dous tipos de circulación (rodada e peonil).
No tramo rodado renovarase o pavimento de aglomerado asfáltico e formarase un pavimento de formigón para o tráfico peonil. Debido ao ancho útil da vía proxéctanse zonas como aliviadoiros para os vehículos, facilitando o movemento en ambas as direccións.
Fondos europeos para o Pantalán de Pescadores
O Pantalán de Pescadores de Tui, situado nas inmediacións do Centro Interfederado de Tui, na desembocadura do río Tripes vai ser reacondicionado e remodelado dentro do proxecto “Río Miño: un destino navegable”aprobado polo programa Interreg V-A España-Portugal 2014-2020 (POCTEP). As obras foron adxudicadas a empresa tudense Ronáutica Quality Marinas S.L por un importe de 47.884.30 €.
A remodelación prevista permitirá o uso compartido desta infraestructura para o atraque de barcos turísticos que naveguen polo Miño e os pescadores e particulares que utilizan actualmente este pantalán como punto de amarre.
As actuacións previstas dentro deste Programa farán posible posicionar ao río Miño transfronteirizo como un destino turístico de referencia, potenciando actividades de turismos sostible como rutas polo río que inclúan visitas a distintos puntos das beiras do Miño. Para acadar estes obxectivos faise imprescindible a mellora da navegabilidade neste tramo, para o que, ademais doutra serie de actuacións, é necesario instalar pantaláns de atracada que faciliten o acceso ás diferentes zonas que se propón visitar.
Os traballos previstos contemplan a substitución do chan de madeira existente no pantalán por un piso de composite, a substitución da pasarela existente por unha nova máis ancha, e o cambio da plataforma de acceso actualmente en terra por unha estrutura de aluminio con piso de composite. Ademais, tamén levarase a cabo o recrecido dunha das patas do tramo fixo, a substitución do portalón existente por un situado no tramo fixo de acceso, e a montaxe dunha peza de conexión co pantalán, en forma de T baixo a pasarela e o atraque.
Ademais con esta remodelación dotaráse de mobiliario a zona instalando dous bancos de 1,8 metros de lonxitude, e unha pérgola de 4×2 metros cadrados con estrutura de perfís de aluminio encostados ao muro traseiro e lamas de aluminio orientables mediante un dispositivo manual. Amáis colocarase un cartel indicativo de madeira serigrafiado de 1,60×1,0 metros, e instalarase duas flechas sinalizadoras nas cercanias deste pantalán.
