Presentada a nova sede do PSdeG de Salceda

Estivo presente a Presidenta da Deputación de Pontevedra e do PSdeG, Carmela Silva

Salceda de Caselas/PSdeG-PSOE | O PSdeG de Salceda de Caselas celebrou no día de onte, a apertura da súa nova sede. O acto contou coa presenza da Presidenta da Deputación de Pontevedra e Presidenta do PSdeG Carmela Silva e de moitas persoas militantes doutras agrupacións da provincia.

A Secretaria Xeral e alcaldesa Verónica Tourón e a súa Secretaria de Organización Ana Belén Valiño, estiveron á cabeza dos moitos e moitas militantes, simpatizantes e veciños e veciñas de Salceda que ateigaron a nova sede local nesta ocasión tan especial.

Ana Belén Valiño abriu o acto, para presentar a Presidenta da Deputación e agradecer a súa asistencia, recoñecéndoa como un exemplo do empoderamento que as mulleres deben acadar en política. Posteriormente interviron Carmela Silva e Verónica Tourón.

A Presidenta da Deputación quixo recoñecer o gran traballo realizado dende a alcaldía e o grupo municipal socialista, que mudou Salceda de forma importante nestes últimos anos, e o papel da militancia local como fundamental para conquerir os mellores resultados nas vindeiras eleccións.

Verónica Tourón pola súa parte fixo unha lembranza emocionante da laboura das mulleres e homes da agrupación con máis idade, pola súa loita durante moitos anos para finalmente acadar a alcaldía por primeira vez na historia de Salceda.

Salientou que a o Partido Socialista viu para quedarse por moitos anos máis ao fronte do goberno local co obxectivo fundamental de facer unha Salceda mellor para as persoas.

Deixa unha resposta

Este sitio emprega Akismet para reducir o spam. Aprende como se procesan os datos dos teus comentarios.

Outros artigos