Ponteareas solidarízase co pobo saharauí

Asina convenio de 6.000 € con Solidariedade Galega co Pobo Saharauí

Ponteareas| O goberno de Ponteareas, representado polo Alcalde Xosé Represas, mantivo un encontro coa presidenta de Solidariedade Galega co Pobo Saharaui, Maite Isla, para a sinatura do convenio que permite desenvolver o programa de “Axuda alimentaria para os campamentos de refuxiados saharauis” e así poder cubrir o déficit existente de arroz, aceite, azucre, legumes…. etc e almorzo nas escolas dos campamentos de refuxiados saharauis.

O goberno e a asociación asinaron un convenio por valor total de 6.000€ que permite a axuda no financiamento para procedementos de prevención da COVID-19 e evitar un maior deterioro na situación humanitaria; especialmente, porque a taxa de anemia entre as mulleres, embarazadas e nais lactantes aumentou até superar o 73%, como a porcentaxe de malnutrición entre as persoas menores de 5 anos, que se aproxima ao 25%.

A situación de emerxencia sanitaria provocada polo Covid-19, que estamos vivindo na actualidade, fixo que o convenio que se viña asinando en anos anteriores para poder financiar os traslados do Programa de Vacacións en Paz, que tivo que ser suspendido, tivera que adaptarse á pandemia. “Este ano colaboramos cubrindo as necesidades urxentes nos sectores básicos (auga e hixiene, saúde, nutrición…..) para os refuxiados saharahuis, que se viu incrementada por mor do Covid-19”.

Deste xeito, o Concello de Ponteareas reafirma o seu compromiso coa Asociación Solidariedade Galega co Pobo Saharaui e agradece a labor que ven desenvolvendo para tratar de mellorar as condicións de vida tanto dos refuxiados saharauis, como da poboación residente no Sáhara Occidental ocupada por Marrocos.

Outros artigos

Os nosos anunciantes son importantes para nós.
Fainos o favor de desactivar o bloqueador de anuncios ou
engadir este sítio a túa lista branca.

Grazas!