Vigo | O pleno do Consorcio da Zona Franca de Vigo aprobou este 21 de xullo os Orzamentos 2027 no que destaca un investimento para a área de Vigo de máis de 123M€, un 47,6% máis que en 2026. No relativo ao investimento plurianual para o período 2027-2030, o monto ascende a máis de 500M€, o máis alto da historia do Consorcio, cun incremento do 31,6% co respecto ao 2026.
Entre estes investimentos de activos fixos destacan o VgoTIC Global Hub (22M€); a ampliación e mellora das novas infraestruturas para o parque de Balaídos (19,6M€); 7,6M€ para a ampliación do Parque Tecnolóxico e Loxístico (PTL); 7,1M€ para as naves loxísticas da PLISAN e 1,2 M€ para a do Porriño; 2M€ para a planta de produción de semiconductores fotónicos (SPARC); 3,3M€ para o World Car Center; case 1M€ para Porto do Molle e 4,5M€ para eficiencia enerxética; o futuro aparcamento de A Balsa-VG20; 1M€ para o Viveiro de Empresas e Centro de Negocios de Redondela; e 2,7M€ para a creación de novos centros de negocios en diversos puntos da provincia de Pontevedra.
En canto aos investimentos para a dotación de solo industrial destacan os parques industriais de Cuntis, A Cañiza ou A Pasaxe en Gondomar, cun monto de 4,8M€.