• Segue conectado
  • |

Os membros da Plataforma de Afectados polas Participacións Preferentes e Subordinadas manteñen unha reunión co Alcalde de Salceda de Caselas


Salceda de Caselas | O pasado xoves 7, 40 persoas pertencentes á Plataforma de Afectados polas Participacións Preferentes e Subordinadas do Condado, Louriña e Paradanta reuníronse co Alcalde Marcos David Besada Pérez co obxeto de solicitar a colaboración ao Concello de Salceda de Caselas, para introducir unha moción na orde do día do pleno que se vai a ter lugar o venres 22 de febreiro ás 20 h.
Na moción prantexada dende a Plataforma, se solicita que o Pleno inste á Xunta e ao Goberno do Estado a Devolución íntegra dos aforros aos afectados, sen verse perxudicados pola aplicación da “QUITA”, coeficiente reductor que se aplica ao investimento inicial desembolsado polo aforrador, así coma a anulación do cobro das taxas xudiciais para aquelas persoas que recurran pola vía xudicial..
O Concello de Salceda de Caselas ten agora mesmo 188 queixas formulada contra a entidade Novagalicia banco no Instituto Galego de Consumo, estas queixas foron formuladas por parte de particulares, dos cais 70 tramítaronse directamente dende o Servizo da OMIC de Salceda. Dos 188 expedientes só 44 foron resoltos mediante o Servizo de Arbitraxe.
Os membros da Plataforma incidiron as súas queixas no descoñecemento dos criterios de devolución aos particulares damnificados, nos que nalgúns casos foron reintegrados a totalidade do investimento inicial realizado e outros so unha parte. Ademáis se descoñecen os criterios de selección dos damnificados á hora de ser chamados ante o Servizo de Arbitraxe, xa que moitos que presentaron a súa reclamación e están agardando a ser chamados.
Os membros da Plataforma pediron tamén a colaboración do Concello para que NovaGalicia banco esclarexase ás persoas que están suxeitas a estos productos tóxicos, e que todavía descoñecen a súa vinculación, é de vital importancia que a sucursal bancaria avise a todas as persoas que pensan que teñen os seus aforros nun prazo fixo e que realmente, son víctimas destes productos tóxicos.
O Goberno de Salceda de Caselas xa levou a Pleno unha moción que foi aproba no Pleno celebrado o 27 de Marzo do 2012, onde se Instaba á Xunta de Galicia e ao Goberno do Estado a reembolsar ao afectado do capital investido en Participacións Preferentes ou Subordinadas, esixindo unha inspección sobre os responsables executivos que impulsaron o fraude masivo aos pequenos inversores.
Marcos David Besada Pérez, Alcalde de Salceda de Caselas, asegurou que “é moi importante que todos os cidadáns sexan tratados por igual e que se lles devolva a todos e todas a contía que inicialmente investiron, sen aplicar a quita ás novas persoas que se van a someter ao proceso de Arbitraxe. Esixindo ante todo transparecia no procesoda Arbitraxe”. Engade ademáis que “É unha vergoña que o proceso de arbitraxe, estivese atendendo nos meses previos ás eleccións arredor de 400 persoas diarias, e que agora a media diaria de persoas atendidas chegue a ser de 4 persoas”.
O Concello de Salceda de Caselas tentará axudar aos damnificados na medida das súas posibilidades, e facilitará canles de información para aquelas persoas que a demanden no Concello, así como convida a participar aos veciños e veciñas de Salceda na Manifestación que terá lugar o 23 de Febreiro en Santiago de Compostela”.

Publicado o 11 Feb 2013 en Benestar Social, Salceda de Caselas.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies