O partido paneuropeo Volt avanza electoralmente en Alemaña e Portugal

Alcanzou 167.000 votos nas federais alemás e un escano nas autárquicas portuguesas
Volt é un partido paneuropeista con presenza en 30 países europeos.

Madrid | Volt, o partido paneuropeo, gañou máis de 167.000 votos nas eleccións que se celebraron durante esta fin de semana en Europa. Este movemento logrou 0.4% dos votos na súa primeira participación nos comicios federais de Alemaña así como o 1.1% nas eleccións municipais de Berlín.

A formación tamén concorreu aos comicios locais de Portugal e Austria, logrando un escano no municipio de Coimbra. “Isto é un comezo prometedor para nós!”, comentou eufórica a candidata federal Rebekka Müller na noite electoral. “Vemos que os nosos incesantes esforzos están a dar os seus froitos e que fomos capaces de dar un exemplo para un cambio real”.

Os resultados mostran que a voz nova e progresista da unificación europea non só toca a fibra sensible dos votantes das zonas urbanas, Volt tamén foi capaz de convencer nas zonas rurais. Os resultados de Volt en Portugal, nos seus primeiros comicios, son un sinal moi positivo para os seus equipos. A política local é moi importante para Volt e están máis motivados que nunca para impulsar unha maior dixitalización, participación cidadá, igualdade e espazos máis verdes en todas as cidades europeas.

“Os resultados de Volt en Portugal, nos seus primeiros comicios, son un sinal moi positivo para os seus equipos”

Todo Volt está encantado cos resultados de Alemaña, Portugal e Austria: “este gran resultado valida aos nosos equipos en toda Europa e dános a motivación para seguir tomando as rúas sen descanso para os nosos obxectivos”, congratulouse Reinier van
Lanschot, copresidente de Volt Europa.

Volt é o primeiro partido paneuropeo que se propuxo revolucionar a política europea e promover un novo entendemento con políticas activistas baseadas en datos. Hoxe, o partido novo, que está representado nun total de 30 países europeos cun único programa político, celebra o seu segundo éxito a nivel nacional.

Con resultados tan positivos, esta formación espera con interese as próximas eleccións que se celebrarán en Italia, Dinamarca e Francia. Estando xa presentes no Parlamento nacional neerlandés e nas asembleas locais de Bulgaria, Italia, Alemaña e agora Portugal, considera que están no camiño correcto para a federalización de Europa.

Acerca de Volt
O nome de Volt resume todo: “Enerxía para Europa”. En resposta ao Brexit e ao crecente populismo de dereita en Europa, un cidadán francés, un italiano e un alemán fundaron este partido paneuropeo en marzo de 2017.

“Como primeira formación política paneuropea, Volt está comprometido a reformar a Unión Europea para resolver os desafíos mundiais dunha maneira unificada”

O seu obxectivo: nova política para unha nova Europa. Como primeira formación política paneuropea, Volt está comprometido a reformar a Unión Europea para resolver os desafíos mundiais dunha maneira unificada. Para levalo a cabo, quere unha república federal europea capaz de actuar sobre decisións concretas.

A visión de Volt é implementar unha Europa progresista cunha sociedade inclusiva, unha economía que protexa o clima, un sistema educativo adaptable e unha dixitalización autodeterminada.

Volt está convencido de que con só a participación democrática de todos os cidadáns preparará a Europa para un futuro sostible, economicamente forte e socialmente xusta. É por iso que Volt actúa en todos os niveis —desde o ámbito local ata o europeo— como movemento e partido. Este movemento dá a todos os cidadáns europeos unha voz e a oportunidade de involucrarse politicamente desde dentro da sociedade.

Volt está agora representado en toda Europa: miles de persoas de todas as idades e profesións participan en 30 países do continente con equipos en centos de cidades e representantes electos en Alemaña, Bulgaria, Italia, Países Baixos e Portugal.

Deixa unha resposta

Este sitio emprega Akismet para reducir o spam. Aprende como se procesan os datos dos teus comentarios.

Outros artigos

Os nosos anunciantes son importantes para nós.
Fainos o favor de desactivar o bloqueador de anuncios ou
engadir este sítio a túa lista branca.

Grazas!