• Segue conectado
  • |

O goberno de Ponteareas rebate as críticas da oposición sobre a Policía Local e a seguridade cidadá

“As detencións da fin de semana reflicten a eficacia da Policía Local diante de feitos illados, esporádicos e excepcionais” sinala o concelleiro Roberto Mera.

Ponteareas | O goberno local saíu ao paso das críticas da oposición e defendeu o labor da Policía Local, a súa eficacia e o nivel de seguridade cidadá en Ponteareas. O concelleiro de Bo Goberno e de Mobilidade e Tráfico, Roberto Mera, lembrou que na pasada fin de semana a Policía Local detivo a dúas persoas que agrediran a un veciño nunha terraza do Paseo Matutino. “Malia a atitude extremadamente violenta dos dous individuos a Policía Local logrou reducilos e detelos para poñelos a disposición xudicial. Por iso non se entende que a oposición fale de inseguridade cidadá. Non é a primeira vez que se producen pelexas ou agresións en Ponteareas, como en calquera outro lugar, pero son excepcionais. O importante é que a seguridade cidadá está garantida por unha Policía que actua con eficacia, coma nese caso”. Mera pedíu que non se xenere alarma social inxustificada porque “en calquera intervención na que a policía debe reducir a persoas agresivas se producen contusións e golpes e, neste caso, os axentes que interviron con grande profesionalidade afortunadamente non sofreron lesións de importancia e prestaron de novo servizo ao día seguinte con total normalidade”.

A Policía persegue e intercepta a un condutor que se deu á fuga nun control e que triplicaba a tasa de alcoholemia permitida

O edil nacionalista informou que na noite do sábado cinco axentes realizaron inspeccións de locais, control de horarios de terrazas, do uso de máscaras e de alcohol e drogas, con varios positivos. Nun dos controis, un condutor deuse a fuga e tras unha persecución foi interceptado na rúa dos Ferreiros. Trala correspondente proba comprobouse que o condutor triplicaba a tasa de alcohol permitida polo que se instruiron dilixencias penais por un delicto contra a seguridade vial. Mera tamén lembrou a recente actuación exitosa de catro axentes nun incendio nun hotel da localidade nun sabado de madrugada.

Diante da petición do grupo municipal ACIP, a alcaldesa accidental Cristina Fernández convocou a Xunta de Voceiros para este venres a fin de dar toda a información que os grupos municipais soliciten sobre o incidente do pasado venres e o funcionamento da Policía Local.

Publicado o 14 Ago 2020 en Ponteareas, Portada, Seguridade Cidadá.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies