Intercambio estudantil entre o IES Salvaterra e o KSF Freigericht de Alemaña

Os alumnos foron recibidos pola alcaldesa Marta Valcárcel

Salvaterra de Miño | O pasado xoves 13 de outubro de 2022, a alcaldesa de Salvaterra de Miño, Dona Marta Valcárcel, recibiu no salón de plenos a unha delegación alemana de alumnado e profesorado que participa nun intercambio escolar con alumnado de 1º de bacharelato do IES Salvaterra de Miño. Despois da recepción visitaron o casco antigo de Salvaterra, a biblioteca, a Casa do Conde, o castelo e o Museo do Viño.

O alumnado que pertence ao centro de ensino KSF Freigericht de Alemaña chegou o pasado 11 de outubro e finalizará a súa estadía o vindeiro martes 18.

Durante estas xornadas o alumnado participa activamente nun programa de actividades creadas para fomentar as competencias lingüísticas, a iniciativa persoal, cívica. etc e coñecer todos os aspectos socioculturais e económicos que definen a contorna do Condado.

Dende o ano 2012 o IES Salvaterra de Miño vén de participar activamente en programas de carácter europeo coa finalidade de darlle ao alumnado unha oportunidade de coñecer outras realidades, culturas, costumes e hábitos de vida diferentes.

Outros artigos