Inés Rey anuncia en Valencia a súa pretensión por revalidar a alcaldía coruñesa

Durante acto municipalista do PSOE

A Coruña | A alcaldesa e secretaria xeral da Agrupación Socialista Coruñesa, Inés Rey, interveu esta mañá no acto municipalista organizado polo PSOE en Valencia para a presentación de candidatos e candidatas das cidades de máis de 50.000 habitantes.

O evento estivo presidido por Pedro Sánchez, presidente do Goberno e secretario xeral do PSOE, xunto con Sandra Gómez, vicealcaldesa e candidata á alcaldía de Valencia e Ximo Puig, presidente da Generalitat Valenciana. Inés Rey interveu como alcaldesa e candidata socialista á alcaldía da Coruña, onde destacou a importancia das mulleres na toma de decisións para unha total transformación da política.

“Yo soy la primera mujer alcaldesa en la democracia en A Coruña y quiero ser la primera mujer que revalide la alcaldía. Y quiero hacerlo porque cuando una mujer rompe uno de esos techos de cristal que siguen existiendo ese paso lo damos todas juntas. Así que por mí y por todas quiero revalidar la alcaldía” sinalou Rey.

A actual rexedora e secretaria xeral compartiu espazo con Jaume Collboni, candidato á alcaldía de Barcelona; Carolina Darias, ministra de Sanidade e candidata á alcaldía de Las Palmas; Reyes Maroto, ministra de Industria, Comercio e Turismo e candidata á alcaldía de Madrid; e Antonio Muñoz, alcalde de Sevilla.

Inés Rey explicou que “voy a revalidar la alcaldía porque cuando gobernamos los socialistas siempre hay un antes y un después y yo quiero trabajar por el después, por el futuro, por la justicia social y por la igualdad”.

A Coruña e Sevilla foron as cidades escollidas para presentar o seu modelo de liderazgo no encontro municipalista do PSOE. Antonio Muñoz comparte con Inés Rey que a súa cidade fora escollida para albergar un dos primeiros organismos estatais descentralizados polo Goberno, xa que Sevilla será a sede da Agencia Espacial Española (AEE) e A Coruña da Agencia Española de Supervisión de la Inteligencia Artificial (AESIA)

Deixa unha resposta

Este sitio emprega Akismet para reducir o spam. Aprende como se procesan os datos dos teus comentarios.