Creación en Sober da Rede de Cruceiros Costeiros e Fluviais dos Destinos Náuticos Sostibles de España

É un primeiro paso para estruturar o turismo náutico cultural de España

Sober | A directora de Turismo de Galicia, Nava Castro e o delegado da Xunta en Lugo, Javier Arias, asisitiron á sinatura do protocolo de creación da Rede de Cruceiros Costeiros e Fluviais dos Destinos Naúticos Sostibles de España, onde destacou a importancia do turismo náutico para a nosa comunidade.

Nava Castro destacou que a importancia de pór en marcha este tipo de proxectos e a importancia de ampliar cada vez máis os cruceiros costeiros e fluviais, tendo en conta tamén os destinos náuticos sostibles.

“A día de hoxe, o que demandan os turistas son destinos en contacto coa natureza, sen aglomeracións e sostibles, algo que se atopa sen dúbida no turismo náutico. Por este motivo, dende Galicia celebramos o nacemento desta Rede de Cruceiros Costeiros e Fluviais dos Destinos Náuticos Sostibles de España que se implantará en dez comunidades autónomas entre as que estamos incluidos”, precisou Nava Castro.

O proxecto da Rede de Cruceiros Costeiros e Fluviais dos Destinos Náuticos Sostibles de España implantarase en nove comunidades autónomas: Galicia, Estremadura, Castela e León, Aragón, País Vasco, Cataluña, Andalucía, Canarias, Baleares; e Ceuta, e será liderado pola Asociación Galega de Actividades Náuticas (AGAN+) que leva desde 2016 desenvolvendo o concepto de cruceiros costeiros grazas a varios proxectos europeos de cooperación transfronteiriza con Portugal (POCTEP) e o Interreg Espazo Atlántico con Francia, Reino Unido, Irlanda e Portugal.

Deixa unha resposta

Este sitio emprega Akismet para reducir o spam. Aprende como se procesan os datos dos teus comentarios.

Outros artigos