• Segue conectado
  • |

Asociación “Móvete polo TDAH” organiza camiñata de convivencia por un dos tramos do camiño portugués

Ponteareas | A asociación Móvete polos nosos fill@s TDAH nace en Ponteareas en 2018, da man dun grupo de nais e coa colaboración do Centro de Estudos e Psicoloxía Tempos.
Despois do levantamento do estado de alarma, e coa colaboración do Concello de Ponteareas, dámoslle a benvida a nosa primeira actividade cos rapaces e rapazas e as súas familias. Trátase de percorrer unha etapa do Camiño de Santiago, comprendida entre Pontesampaio e Pontevedra. Nos 11 Km de andaina, os nenos e nenas estarán acompañados polas súas familias e polo equipo directivo do centro de estudos Tempos, así como pola terapeuta da asociación, responsable da área de psicoloxía do centro. Tamén teremos o gusto de contar coa presencia de Cristina Fernández, Concelleira de Educación do Concello de Ponteareas.

“Sen perder o equilibrio” é o noso slogan e con el queremos agradecer á asociación Pica Rías Baixas, que ten como obxectivo do seu traballo erradicar o Acoso Escolar e Bulling. Eles acompañarán os participantes coas súas motos nas que están afeitos a manter o equilibrio.

Quedamos o domingo 26 de xullo ás 8:00 h diante do concello de Ponteareas. O desprazamento ata Pontesampaio realizarase en coches particulares, alí iniciaremos a andaina ata chegar ao albergue de peregrinos da cidade de Pontevedra, onde nos recibirá o Presidente do Camiño Portugués, Celestino Lores. Alí veremos unha proxección sobre a nosa etapa explicando os puntos culturais máis destacados. O Concello de Ponteareas convídanos a uns bocadillos no Lago Castiñeiras. Rematará así a xornada de convivencia cos nosos fillos e fillas, que valorarán como a teoría do esforzo traballada por algúns nas sesións de despacho coa terapeuta Ángeles Lores, licenciada en psicoloxía e especialista en trastornos de aprendizaxe, pode transportarse á natureza e sentir como, despois dunha pequena subidiña, chega a recompensa cunha doce baixadiña. No noso caso, este aspecto valorarase coa subida á Canicouva.

Esta actividade é de balde. Os participantes deben anotarse no teléfono da asociación (643152905) ou enviando un correo a: movetepolotdah@gmail.com.

O prazo de inscrición rematará o martes 21 de xullo. Facebook: Movete Polos Nosos Fillos Tdah

.

Publicado o 10 Xul 2020 en Axenda, Portada.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies