• Segue conectado
  • |

As bibliotecas de Carballo adaptan as súas instalacións á situación sanitaria

Durante os catro meses de peche ao público mantívose a actividade con máis de 1.600 préstamos e devolucións e 58 altas na plataforma de libro electrónico GaliciaLe

Carballo | As bibliotecas municipais de Carballo volveron a abrir as súas portas ao público nunhas condicións de uso adaptadas á situación sanitaria e con horario de verán. Durante o mes de agosto poderás utilizar a Biblioteca Rego da Balsa de 10:30 a 13:30 horas de luns a venres e de 10:00 a 13:00 os sábados, e a do Museo, de 09:00 a 14:00 horas de luns a venres, pero sempre con reserva previa. Consulta no cartel axunto as normas de utilización durante a COVID-19.

Aínda que os edificios estiveron pechados ao público dende a declaración do estado de alarma, a actividade das bibliotecas non cesou. Se te achegas pola Rego da Balsa verás que todos os andeis están baleiros, xa que foi preciso retirar os materiais que estaban á vista e ao alcance das persoas usuarias. Podes seguir lendo o xornal, consultando libros ou vendo películas, pero temporalmente terás que pedirllos ao persoal.

Pero o traballo non só consistiu na reorganización completa do servizo ou na instalación dos elementos físicos necesarios para garantir a distancia de seguridade, senón que durante estes catro meses, e moi especialmente durante o confinamento, incrementouse notablemente a demanda dos servizos bibliotecarios, como demostran os máis de 1.600 préstamos e devolucións realizados ou as 58 altas de usuarios/as na plataforma de libro electrónico GaliciaLe, un servizo das bibliotecas públicas galegas que ofrece ás persoas usuarias a posibilidade de acceder a libros, revistas, audiolibros e películas en formato dixital e de balde.

Publicado o 3 Ago 2020 en Carballo, Portada, Sanidade.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies