Ourense | Dentro dos actos de campaña Agora Ourense achegouse ós barrios de Ourense para visibilizar a súa proposta. Presenta unha candidatura de coalición de esquerda (Esquerda Unida, Ourense Mellor, Recortes Cero, Alianza Verde, Podemos e Verdes Equo) chea de propostas vinculadas á ecoloxía, ó feminismo, á diversidade sociocultural, ó comercio local, á participación cidadá, á mocidade.
Achegarse á cidadanía difundir o seu programa de medidas e escoitar as demandas dos colectivos é un dos eixos da campaña desta candidatura cabezada por Toño Naval.
Agora Ourense vense reunindo ó longo da campaña con colectivos vencellados ó deporte, comercio, lecer, diversidade funcional, asociacións estudantís e colectivos de inmigrantes. Toño Naval visitou o local da Asociación de Escaladores Ourensá para falar da súa traxectoria como clube deportivo na cidade e coñecer, de primeira man, as suxerencias e demandas dos deportistas desta disciplina tan popular na cidade.
Millán Brea, membro da candidatura, reuníuse no Campus Universitario das Lagoas coas asociacións estudiantís de Ourense escoitando as súas inquedanzas.
