ACiP acusa ao bipartito de falta de protección contra a vespa belutina

A diferenza doutros Concellos veciños de Ponteareas

Ponteareas/ACiP | Mentres en concellos limítrofes como Salvaterra, Porriño ou Mos, entre outros, poñen en marcha unha campaña fronte a invasión da avespa belutina, coa colocación de trampas e a colaboración de viticultores, colectivos e veciños; o goberno de Ponteareas non esta facendo nada nesta loita.

Atopámonos xa preto da primavera, momento no que as colmeas deciden desprazarse a aniñar en novas ubicacións, de aí a importancia de actuar nestes intres, antes de que sexa demasiado tarde, pero atopámonos cuns dirixentes que teñen o noso Concello de brazos cruzados en moitos ámbitos, e este é un máis.

Dende Alternativa Ciudadana de Ponteareas queremos facer fincapé porque parécenos unha situación de gravidade, xa que este tipo de vespa atópase en total expansión e Ponteareas atópase no máximo nivel entre as rexións de maior crecemento desta variante.

Como enfeitiza o portavoz municipal de ACiP, Juan Carlos González Carrera “debemos ter en conta que tamén é un problema sanitario, xa que existen casos de veciños que realizando labores agrícolas ou de lecer, son atacados pola avespa belutina e tiveron que ser ingresados en centros hospitalarios, en situacións moi graves. Isto para este goberno non resulta problemático mentres non ataque o centro urbano, xa que ignoran as parroquias”.

Cabe sinalar, que no ano 2018, a nosa formación levou a pleno unha moción que incluía tres puntos principais: 1) Reclamar a Xunta de Galicia a dotación de máis medios; 2) Crear unha Brigada Municipal, composta por viticultores, colectivos e particulares para organizar a posta de trampas e a retirada de niños e 3) Crear unha comisión de seguimento, na que ademais de viticultores e colectivos, estivese un membro de cada grupo político. Agora atopámonos 5 anos despois de que aprobasen esta moción e non fixeron absolutamente nada, o que mostra o pouco respecto que teñen pola institución plenaria e pola veciñanza.

Somos conscientes do deixamento do actual goberno local en moitos temas, xa que están máis pendentes das guerras internas entre as formacións da coalición, e incluso entre os egos dos membros das mesmas; pero esta é unha problemática que require atención ante a perigosidade que ten para a cidadanía.

Outros artigos