• Segue conectado
  • |

A Concello da Coruña estuda a mellora dos accesos ao Centro Oncolóxico

Patrimonio informou desfavorablemente a esta mellora de accesos, “unha situación que dificulta que poidamos acometer a obra tal e como pensabamos pero que trataremos de solventar co departamento autonómico”, explicou a alcaldesa


A Coruña | A alcaldesa, Inés Rey, visitou esta mañá xunto ao concelleiro de Urbanismo, Infraestruturas e Mobilidade, Juan Díaz Villoslada, as instalacións do Centro Oncolóxico, para coñecer de primeira man o “funcionamento e o estado do edificio, que leva tempo demandando reformas” e para “estudar a
mellora dos accesos ao centro hospitalario, que é xa unha demanda histórica”, dixo a rexedora.

Durante a visita, Rey asegurou que o Concello está a tentar desbloquear o informe negativo de Patrimonio Cultural da Xunta de Galicia sobre a mellora dos accesos. O organismo da Xunta informou desfavorablemente a esta mellora de accesos, “unha situación que dificulta que poidamos acometer a obra tal e como pensabamos pero
que trataremos de solventar co departamento autonómico”, explicou a alcaldesa.

Rey sinalou que “entendiamos que a solución urbanística que presentaba o Concello era a máis acaída para a zona e que solucionaba os problemas de comunicación e de accesos. De todos os xeitos, cremos que podemos tratar de dialogar coa administración autonómica para poder dar unha solución”.

A alcaldesa e o concelleiro reuníronse co xerente do COG, Manuel Ramos Vázquez, a directora administrativa e secretaria da Fundación, Lucía Cachafeiro, o vicepresidente da Fundación, Fernando Cachafeiro, e a subdirectora administrativa, María Jesús Ortiz, os cales lle amosaron o equipamento do centro e, en concreto, as aceleracións lineais.

Publicado o 17 Xul 2020 en A Coruña, Portada, Urbanismo.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies