• Segue conectado
  • |

A Concellería de Alumeado consigue máis de tres millóns de euros dos fondos europeos FEDER

A concellería de Vías, Obras e Alumeado consigue o respaldo da Unión Europea para a renovación total das instalacións do alumeado exterior

Ponteareas | A concellería de Vías, Obras e Alumeado, que dirixe Chus Garrote informa que Ponteareas consigue máis de tres millóns de euros do Instituto para Diversificación e o Aforro Enerxético (IDAE) dependente do Ministerio para a Transición Ecolóxica para a renovación total das instalacións de alumeado exterior en todo o concello.

Chus Garrote explica que novamente Ponteareas vén de conseguir o apoio e a confianza do Ministerio e de Europa que subvencionarán a través dos Fondos Europeos de Desenvolvemento Rexional (FEDER) o cambio total de todo o alumeado tanto no casco urbano como no rural.

Ponteareas conseguirá un aforro enerxético do 83% cambiando un total de 7560 luminarias e cambiando 155 cadros de mando

O IDAE aceptou as catro propostas presentadas pola Concellería de Vías, Obras e Alumeado que suman 4.160.795€ e concede a Ponteareas 3.332.635,8 euros. Chus Garrote en nome de todo o goberno do BNG-PSOE amosa a súa satisfacción por este importate apoio conseguindo nesta lexislatura que ven de comezar un respaldo económico de grande envergadura, “na primeira lexislatura conseguimos os fondos da EDUSI para comezar a construir o futuro de cambio de Ponteareas, nesta teremos o apoio para executar o cambio no alumeado exterior na totalidade do concello o que supón a mellora da seguridade vial ao aumentar a visibilidade, un aforro enerxético importante e contribuiremos na redución de CO2 camiñando sempre baixo a estratexia “Ponteareas, hábitat saudable” tamén financiada con fondos FEDER”.

Ponteareas pasará a unha economía baixa en carbono co cambio do alumedo que se executará en catro fases para as que o IDAE aportará 2.703.355 euros para afrontar o cambio no rural e 629.280,80 euros para o centro urbano.

No núcleo urbano actuará en 1301 puntos de luz substituíndo as actuais luminarias provistas con lámpadas de baixo consumo, haloxenuro, mercurio e sodio por luminarias LED máis eficientes, e actualizando 28 cadros de mando para adaptalos á normativa vixente. Con esta actuación diminuirase a potencia de 170,35kW a 67,31kW e conseguirase un aforro enerxético do 83,10%.

No rural actuarase en 6.259 puntos de luz, en 127 cadros de mando e conseguirase un aforro enerxético dun 83%, dando cumprimento aos compromisos adquiridos coa veciñanza.

Pola súa banda o concello terá que aportar preto dun millón de euros para completar o financiamento destes proxectos.

Chus Garrote engade que nos vindeiros meses comezarán a redacción dos proxectos e traballarán de xeito transversal con todas as concellerías para executar obras planificadas capaces de dar un servizo óptimo no futuro e que teñan sempre en conta as suxestións e necesidades trasladadas pola veciñanza a través de reunións, achegas ou procesos participativos.

Publicado o 20 Dec 2019 en Ponteareas, Portada, Urbanismo.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies