A andaina SOMOS Saúde conmemorará o Día Mundial contra a Obesidade

En Mos o vindeiro venres, 4 de marzo

Mos | O Concello de Mos e o Centro de Saúde de Mos organizan conxuntamente a andaina SOMOS Saúde para conmemorar, o vindeiro venres, 4 de marzo, o Día Mundial contra a Obesidade. O equipo de enfermeiras de familia e comunitarias do Centro de Saúde de Mos en colaboración coas concellerías mosenses de Participación Cidadá, Política Social e Igualdade e Educación organizan esta actividade consistente na realización da ruta de sendeirismo Petelos – Costoias de 5 Km de percorrido e con dificultade media–baixa.

A saída será desde o Pavillón Óscar Pereiro ás 10:30 h e está prevista a participación de membros das asociacións mosenses, maiores asistentes ao programa municipal Exercítate, etc. Pero aínda quedan prazas libres para aquelas persoas que queiran participar e que poderán reservar a súa praza telefónicamente na OMIX chamando ao número 986 339 404 ata o 3 de marzo.

A participación é de balde e os asistentes contarán con avituallamento san.

O obxectivo desta iniciativa é que todo aquel que participe tome conciencia da importancia de dar pasos para mellorar a súa saúde e a da súa familia, así como dos piares básicos na loita contra a obesidade: alimentación saudable, exercizo físico e cambios de conducta.

Precisamente o ano pasado, coincidindo co Día Mundial da Obesidade, constituíase a petición deste mesmo persoal de Enfermería do Centro de Saúde de Mos, a Mesa Coordinadora dos Programas Municipais de Saúde.

A Mesa está formada pola alcaldesa, Nidia Arévalo, Sara Cebreiro, concelleira de Política Social e Igualdade, Julia Loureiro, concelleira de Educación, Lorena Comesaña, enfermeira de familia e comunitaria do Centro de Saúde de Mos, Macarena Chacón, enfermeira de familia e comunitaria do Centro de Saúde de Mos, Lucía Leirós, enfermeira de familia e comunitaria do Centro de Saúde de Mos, Pablo López, Traballador Social da Asociación Española Contra o Cancro, Lorena Lago, monitora deportiva do Concello de Mos, Sandra Ledo, Traballadora Social do departamento municipal de Servizos Sociais, e Alba María Bugarín, Educadora Social do departamento municipal de Educación.

Cabe destacar que esta Mesa fose constituída precisamente no Día Mundial da Obesidade, como símbolo da loita contra esta importante causa de enfermidade e a promoción desde o Concello de Mos de hábitos de vida e alimentación saudables para combatila.

“SOMOS Saúde

A creación da Mesa plantexouse como un espazo, ferramenta clave de participación, que permita coñecer as necesidades sentidas dos cidadáns, organizacións e institucións locais e que a través da coordinación desenvólvanse intervencións comunitarias que dean resposta a estas demandas mellorando a calidade de vida da poboación mosense. Facilitar o contacto, comunicación e coordinación intersectorial no municipio. Crear sinerxias entre os diferentes actores do territorio optimizando os recursos da comunidade. Visualización das fortalezas e debilidades do territorio. Promover a saúde e o benestar social, potenciando a capacidade das persoas e grupos para a abordaxe dos seus problemas, demandas e necesidades. A celebración da andaina do vindeiro venres faise, precisamente, en resposta a un deses grandes problemas de saúde existentes na sociedade contemporánea: a obesidade.

Outros artigos