• Segue conectado
  • |

“Póla Poesía”, un bosque de poesía en Carral feito pola Asociación EcoCultural Lacrar.

Carral | Este ano, e seguindo o camiño aberto o ano pasado a través do evento “A Poesía encéndeche luces”, a Asociación EcoCultural Lacrar celebra o Día Mundial da Poesía co evento “Póla Poesía”. Dende o 15 de febreiro e a través do evento creado no facebook e do correo electrónico da asociación recolléronse máis de un cento de poemas, entre eles moitos de creación propia. Ao igual que o ano pasado, este ano fíxose tamén algún poema comunal, así como a creación de poemas seguindo as instrucións feitas polo poeta galego Samuel L. París, coñecidas como “Poemarionova”. Todos estes poemas foron colgados das pólas das árbores do Campo da Feira, e ao longo de todo o día poderán ser vistos por todo o mundo que o desexe.

 

Ademais, unha faixa co lema “SOMOS A RAIZAME NA QUE PRENDERÁN AS NOSAS PÓLAS” está colgada enfronte ao sitio máis emblemático da vila, o cruceiro dedicado aos Mártires de Carral, concretamente na marquesiña situada na praza, para lembrar a todos os visitantes e viaxeiros que crucen Carral os obxectivos da Asociación EcoCultural Lacrar e a celebración do día da poesía.

 

Publicado o 22 Mar 2017 en Lingua.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies