Salvaterra do Miño comeza as obras de cambio de caldeiras de biomasa

Substituirá as caldeiras existentes na Casa do Concello, Casa de Cultura e Xulgado

Salvaterra do Miño | O Concello de Salvaterra de Miño e a Deputación de Pontevedra asinaron un convenio de colaboración, a mediados do ano 2019, para levar a cabo dentro do termo municipal as actuación recollidas no proxecto denominado “Substitución e instalación de caldeiras de biomasa (FEDER – EELL-2019-000559), que conta co financiamento do 80% do FEDER a través da convocatoria de axudas a entidades locais para proxectos singulares que favorezan o paso a unha economía Baixa en carbono do Instituto para a Diversificación e Aforro da Enerxía no marco do programa operativo Feder de Crecemento Sostible 2014-2020.

A través deste convenio o Concello de Salvaterra substituirá as caldeiras existentes na Casa do Concello, Casa de Cultura e Xulgado por Caldeiras de Biomasa, co fin de baixar o consumo en carbono, unha acción que xa viña marcada dentro do recén aprobado Plan PACES (Plan de Acción polo Clima e a Enerxía Sostible) do Concello e que marcará a liña de actuación municipal.

Son tempos nos que calquera xesto a prol de potenciar a enerxía sostible resulta de vital importancia á hora de reducir a contaminación medioambiental, polo que O Concello de Salvaterra de Miño pretende dar saída e continuidade a este tipo de proxectos, no seu afán de ser un Concello adaptado ás necesidades medioambientais actuáis. Neste caso, o cambio a Biomasa terá unha reducción de consumo eléctrico en cada unha das instalacións modificadas de máis de un 30%.

O total da obra ascende a 176.942,10€, dos cales 141.553,68 está cofinanciado por fondos FEDER, 17.694,21€ pola Deputación de Pontevedra e 17.694,21€ polo Concello de Salvaterra de Miño a través do Plan Concellos.

Outros artigos

Os nosos anunciantes son importantes para nós.
Fainos o favor de desactivar o bloqueador de anuncios ou
engadir este sítio a túa lista branca.

Grazas!