• Segue conectado
  • |

Os postos da feira da Milagrosa reducen o seu tamaño para garantir a separación sen modificar o emprazamento

A Concellaría de Feiras e Mercados agradece a colaboración dos vendedores ambulantes e da veciñanza das rúas afectadas pola tradicional feira

Carballo | A Milagrosa acolleu este domingo a segunda feira dende que rematou o estado de alarma. Despois de axustar a redistribución dos postos da feira anterior de maneira coordinada con representantes dos vendedores ambulantes, optouse por manter o emprazamento habitual da feira, aínda que para garantir a separación mínima entre postos de 1,5 metros foi preciso reducir o seu tamaño, ademais de ocupar un treito da rúa Río Miño con postos aos dous lados para re-situar aqueles nos que resultaba imposible manter as distancias recomendadas.

Con esta decisión consensuada, o Campo da Feira queda distribuído como se aprecia no plano axunto.

A Concellaría de Feiras e Mercados agradece a boa disposición dos vendedores ambulantes para organizar a feira, así coma a colaboración da veciñanza das rúas afectadas, nas que lembramos que non poderán estacionarse vehículos nin se permitirá a circulación, agás para emerxencias, dende as 22:00 horas do sábado ata as 16:00 horas do domingo de feira.

Na Praza do Concello mantense, tanto os domingos de feira coma os xoves, a distribución das últimas semanas. E tanto nunha feira coma na outra é preciso que vendedores e compradores respecten as medidas de seguridade e hixiene, utilizando máscaras, realizando unha hixiene axeitada de mans, evitando tocar os produtos e respectando as distancias.

Publicado o 13 Xul 2020 en Carballo, Comercio, Portada.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies