• Segue conectado
  • |

O Goberno de Salceda vai a investir en pistas deportivas

O Concello vai cumprir os compromisos adquiridos tralo pacto de Goberno Municipal BNG-PSG-PSOE cos veciños e veciñas de Salceda
Salceda de Caselas | O Concello de Salceda de Caselas, ven de recibir unha subvención da Deputación do “Plan de Investimento da Deputación de Pontevedra”, onde figura o “Plan de investimentos da Provincia de Pontevedra” para o ano 2012.  A contía que recibirá o Concello ascenderá a unha totalidade de 228.485,32 € e serán destinados para obras dentro do Termo Municipal.
Os proxectos que se van a acometer en Salceda son a “Construcción de Pistas Polideportivas na Área Deportiva de Altamira. Salceda de Caselas” e a “Recuperación Ambiental e Senda Peonil no Río Caselas: tramo Palomar de Antero-Regadas”. O orzamento de ambos proxectos ascende a 228.485,24 €.
O proxecto de construcción das Pistas Polideportivas ven de atender á demanda das mesmas, por parte dos veciños e veciñas e dos grupos escolares de Salceda de Caselas, que pasarán a dispor dunha nova ubicación para o seu desenvolvemento deportivo. As dúas pistas vanse a asentar na continuación do complexo deportivo integrado na actualidade polo Pavillón Polideportivo dos deportes xunto coa área escolar CEP Altamira-CRA Raíña Aragonta.
Por outra parte a “Recuperación Ambiental e Senda Peonil do Río Caselas: Palomar de Antero-Regadas” vai a continuar coa senda xa existente do Río Caselas. En vistas de que Confederación Hidrográfica paralizou durante mais de un ano o proxecto de Recuperación, e agora asegura a imposibilidade de acometer a súa financiación con fondos europeos destinados a concellos veciños, para a consecución de proxectos de índole similar. O Concello de Salceda non está disposto a renunciar á súa promesa de que todos os salcedenses poidan disfrutar da continuación do paseo ata As Regadas, tal e como inicialmente se comprometeu Confederación co noso Concello ao aprobar o proxecto para a súa execución o .29 de Setembro do ano 2011.
Marina Cabaleiro, Tenente Alcalde, asegura que “o aumento da poboación infantil e xuvenil en Salceda crea a necesidade de proporcionarlle instalacións para crear uns hábitos de vida saudable. Ademáis obras deste tipo manteñen postos de traballo, a inversión crea emprego que é a maior inquedanza dos veciños e veciñas”.
Marcos besada, Alcalde de Salceda incide na importancia de continuar coa posta en valor das áreas de ocio e lecer no noso pobo, sobre todo se tamén atende á recuperación do río, dende un punto de vista paisaxístico e de conservación do medio e por outro lado atendendo as necesidades dos veciños e veciñas a través do uso que lle están a dar as sendas xa existentes.
É moi importante cumprir cos compromisos acordados con todos os veciños e veciñas de Salceda, cumprindo as promesas electorais que son coincidentes no bipartito que conforma o Goberno de Salceda. Traballando xuntos e arreo conseguiremos mellorar o noso Concello, cumprindo sempre co mais importante, a nosa palabra. Aseguran Marcos Besada, Alcalde de Salceda e Marina Cabaleiro, Tenente Alcalde.
 

Publicado o 27 Out 2012 en Salceda de Caselas.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies