• Segue conectado
  • |

O concello de Ponteareas iniciará unha aplicación para obter o ticket electrónico de atención cidadá

Segundo informa o concelleiro de Innovación e Desenvolvemento Tecnolóxico o obxectivo é evitar as colas de espera e a conxestión dos servizos de atención ao publico, así como mellorar a saúde tanto das e dos usuarios como a dos e das traballadoras

Ponteareas | O concelleiro de Innovación e Desenvolvemento Tecnolóxico, Benito Márquez, deu a coñecer a implantación nestes semanas dun novo sistema intelixente de atención cidadá en tódolos departamentos que prestan actualmente servizos de atención ao publico. “O obxectivo é continuar prestando os servizos de atención, respectando as medidas de saúde, seguridade e hixiene impostas polo COVID-19. Esta nova situación está provocando un cambio fundamental no modo de vida da sociedade e no xeito de relacionarnos, e dende o Concello debemos de dar resposta a todas as necesidades críticas xurdidas a raíz desta nova situación”, indicou Benito Márquez, concelleiro socialista de Innovación e Desenvolvemento Tecnolóxico.

O novo sistema que se está implantando permite a obtención dunha quenda dende o teléfono móbil ou a través da web (tícket electrónico), así como o seu seguimento a distancia e a notificación da quenda, evitando o uso de elementos táctiles públicos para a obtención da mesma, co fin último de desconxestionar as salas de espera e permitindo que o cidadán acuda unicamente cando estea a punto de ser chamado para a súa atención.

“O que se pretende é evitar as aglomeracións dos cidadáns no Concello nas salas de espera, mellorar a saúde laboral dos e das traballadoras e desconxestionar os servizos. Debemos protexer á cidadanía durante o tempo de espera, mantendo a distancia de seguridade, o que redundará ao mesmo tempo nunha mellor protección de tódolos traballadores que prestan os servizos de atención cidadá. Debemos pensar en todos e todas e axudar a que tanto uns coma outros estean seguros”.

“A e o usuario poderá pedir cita telematicamente, a través dunha aplicación móbil, e poderá seguir a cola en tempo real para os tíckets electrónicos xerados. A través da app, recibirá información en tempo real do número de persoas en espera e do tempo aproximado para ser atendido. Cando a súa quenda estea próxima, o usuario recibirá no móbil unha notificación, podendo realizar a espera na rúa, na casa ou no coche, mantendo a distancia de seguridade”, sinalou o concelleiro socialista Benito Márquez.

“É importante salientar tamén que este sistema está integrado en certos casos cun sistema de videoconferencia, onde se permitirá a realización de citas virtuais entre a e o traballador público e a cidadanía, ou simplemente telefonicamente, garantindo un servizo eficaz sen que o usuario teña que vir fisicamente ao concello”.

Non obstante, tamén está contemplada unha oficina a cidadanía onde poidan acudir presencialmente aquelas persoas que non dispoñan de teléfono móbil ou internet para solicitar a cita telematicamente.

Por último, o concelleiro quixo agradecer públicamente o esforzo que o Departamento de Innovación e Desenvolvemento está levando a cabo nos últimos meses nesta situación complicada para todos e que está redundando en que o Concello siga en funcionamento.

Publicado o 13 Mai 2020 en Participación Cidadá, Ponteareas.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies