O BNG contrario ao peche da OMIC de Ourense

Así o afirmou a concelleira nacionalista Ruth Reza
Rhut Reza, concelleira do BNG en Ourense.

Ourense | O BNG non comparte a decisión que o actual goberno local ven de anunciar e relativa ao peche da Oficina Municipal de información ao Consumidor (Omic) ao tempo que amosa a súa sorpresa ante tal decisión xa que a concelleira responsable da mesma, Eugenia Díaz Abella, gabábase e presumía dos bos datos e do traballo desenvolto por dita oficina.

No BNG queren que a concelleira explique porqué agora pechan unha oficina que aínda que ven é certo, durante o confinamento, veu reducido lóxicamente o número de consultas, acumulaba un incremento constante de reclamacións e consultas por parte da veciñanza.

Segundo Rhut Reza “é insoportable a teima do actual goberno por desmantelar servizos que funcionan e que ofrecen servizos moi necesarios á cidadanía, máxime en tempos nos que están a alza as estafas de sectores como o enerxético, o telefónico ou o bancario. O concello é a primeira administración á cal se dirixe a veciñanza ante calquera problema e Jácome e o PP estanos privando de cada vez máis servizos”.

Rhut Reza ten claro que o PP “é cómplice deste desmantelamento por puro interés partidario e non de cidade como sempre andan a dicir, pois permiten pechar servizos que ate non fai moito defendían fervorosamente”.

Deixa unha resposta

Este sitio emprega Akismet para reducir o spam. Aprende como se procesan os datos dos teus comentarios.

Outros artigos

Os nosos anunciantes son importantes para nós.
Fainos o favor de desactivar o bloqueador de anuncios ou
engadir este sítio a túa lista branca.

Grazas!