• Segue conectado
  • |

O Alcalde de Tui acompañou a pescadores do Miño nunha xuntanza coa Conselleria de Medio Rural e do Mar

Tui | Na tarde de onte, mércores 30 de xaneiro, a Conselleira do Medio Rural e do Mar, Rosa Quintana, recibiu a unha delegación da Plataforma en defensa do río Miño e os seus pescadores, encabezada polo seu portavoz, Benito Pousa, aos que acompañaba o alcalde de Tui, Moisés Rodríguez Pérez.
No decurso da reunión foron prantexadas á responsable da Xunta de Galicia os principais aspectos da problemática deste sector especialmente na normativa recentemente aprobada e que, segundo os pescadores, ten importantes erros que cómpre modificar. Especialmente o referido ás cotizacións á Seguridade Social consonte ao número de capturas e ás xornadas efectivas de pesca no río, así como outros aspectos relevantes na conservación do Miño e á súa pesca tradicional.
Os asistentes valoraron o importante clima de diálogo establecido entre a plataforma e a Consellería, e o compromiso de revisión da normativa para que resulte eficaz na conservación do río e mais xusta para os pescadores.
O Alcalde tudense congratulouse polo positivo clima de diálogo e colaboración establecido entre a administración autonómica e os representantes do pescadores do río Miño e que contribuirá eficazmente á conservación deste río e da pesca tradicional, que conforma un dos principais elementos identitarios da comarca do Baixo Miño. Con esta entrevista o rexedor tudense da conta do compromiso asumido de promover unha xuntanza coa Consellería de Medio Rural e do Mar coa Plataforma en defensa do río Miño e os seus pescadores para abrir unha canle de diálogo e traballo en común que busque solucións e acordos arredor da pesca no Miño.

Publicado o 1 Feb 2013 en Medio Ambiente, Tui.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies