Novo mobiliario a biblioteca pública municipal do Covelo

Para facilitar o servizo ás persoas que veñen na fin de semana

O Covelo | “Traballamos para mellorar o día a día das persoas a través de servizos públicos municipais adaptados as súas necesidades”, así o manifestaba Pablo Castillo, alcalde de Covelo, na súa visita á biblioteca pública municipal para supervisar a recepción do novo mobiliario mercado co apoio da Xunta de Galicia e con fondos propios.

O Concello de Covelo investíu un total de 6.896€ na compra de estanterías, armarios, suxeita libros, módulos de organización, mesas e cadeiras, entre outros obxectos necesarios para dar cabida aos novos títulos que ten incorporado a biblioteca nos últimos tempos.

“Co incremento do fondo bibliográfico tivemos que adaptar a sala de actividades da biblioteca municipal para que acolla parte do fondo de libros e ademais renovar parte do mobiliario que, polo uso, xa estaban danados”, engade o alcalde.

Ademais, o Concello adquiríu un buzón para facilitar a devolución de libros sobre todo, ás persoas que se trasladan a Covelo a pasar a fin de semana. Pablo Castillo explica que son moitas as familias que pasan a fin de semana na localidade e para facilitar que poidan facer un uso axeitado dos fondos da biblioteca pública municipal colocouse un buzón exterior. A biblioteca municipal é un servizo moi utilizado de luns a venres xa que, ademais de contar cun amplo fondo bibliográfico, dispón de acceso gratuíto a internet.

Deixa unha resposta

Este sitio emprega Akismet para reducir o spam. Aprende como se procesan os datos dos teus comentarios.

Outros artigos