Lugo | José Tomé Roca, presidente da Deputación de Lugo, presentará este xoves pola tarde na catedral de Lugo a nova guía do románico que editou a institución provincial para difundir e para poñer en valor este tipo de patrimonio de Lugo, A Terra Chá e A Mariña. Esta presentación faise con motivo do Día da Transrománica, que se conmemora este 9 de maio, coincidindo co Día de Europa.
O acto será ás 18:00 e estará aberto ao público. As persoas asistentes recibirán un exemplar desta publicación coa que a Deputación de Lugo completa o proxecto editorial que iniciou no ano 2021 cunha guía sobre o patrimonio románico da Ribeira Sacra, e que continuou con volumes sobre A Ulloa, e Os Ancares, O Courel e Sarria.
Con motivo desta celebración do Día da Transrománica a Deputación programa para estes días rutas pola provincia que se poden reservar na web http://inscricions.deputacionlugo.org ata completar o aforo.
Este xoves 9 haberá en Lugo; o sábado 11 en Monforte, Portomarín, Paradela, Sarria e O Saviñao; e o domingo 12 en Lugo, Guntín, Meira, Pantón e Sober.
