Ourense | Eu nunca oíra cantar a Manoele de Felisa. Como pode alguén, galego, próximo á cultura, non ter oído a Manoele De Felisa? Non mo perdoedes.
Ninguén que se prece de ser galego, de amar a Galicia, pode deixar de oir a este tenor da música galega, Pavarotti de Rosalía, de Castelao, de tantos dos nosos. Inmensa voz, igual bo gusto, coñecemento do medio e poeta da música.
Manoele de Felisa, tal como proclamou a outra gran dama da música galego-portuguesa María do Ceo, é a voz máis poderosa que hai nestes intres en Galicia que é como dicir no mundo enteiro.
Dende hoxe, Manoele de Felisa entra na miña lista de persoaxes a lembrar e admirar.
Manoele de Felisa redimenos de voces mezquinas e cativas que pululan pola nosa xuventude. Nós, a Xente do Redor, fíxoo posibel.
Por César Luis Santamarina
