Ribadumia | Esta mañá, na Carballeira de Ribadumia presentouse a II Romaría da música de Ribadumia que se celebrará o vindeiro domingo 8 de Maio na propia Carballeira.
A partir das 12 da mañá poderemos desfrutar de música coas actuacións da Banda de Música Cultural de Mondariz, Grupo Xironsa, Maravallada, Charanga Mil9, Orquestra Caracas e un Especial Disney con Bene Nogueira.
Haberá sorteos variados, inchables e xogos populares ademais de talleres de pintura e maquillaxe infantil e unha exhibición de coches e motos clásicas. Tamén poderemos degustar callos, empanada e polbo, todo regado con tinto.
Dende o Concello queremos convidar a todos/as os veciños/as a vir a desfrutar dun fantástico día, onde a música será a protagonista.
