Ponteareas | O pasado domingo 26 de setembro a Coral Cantares de Xinzo celebrou o seu II Encontro de Corais no auditorio do Centro Cultural. Xunto coa coral da parroquia, a outra protagonista da tarde foi a invitada Coral Polifónica “O son dous Cantares” de Tameiga (Mos).
Ambas as corais estiveron baixo a dirección de Bea Gómez Fandiño, aínda que cun repertorio diferente e variado. Cun auditorio cheo, respectando en todo momento as medidas sanitarias impostas pola COVID-19, o acto finalizou coa entrega dun recordo por parte da Coral Cantares de Xinzo á súa invitada en agradecemento por participar no II Encontro de Corais que celebra a parroquia pontareana.
